Stel jou alarms en maak reg vir n paar houe om te klap!

1. Jake Paul vs Mike Tyson

Datum: 16 November 2024
Tyd (SA): 03:00
Plek: AT&T Stadion
Kyk op: Netflix
Hierdie stryd tussen Jake Paul, wat bekend is vir sy aanlyn persoonlikheid, en die legendariese Mike Tyson, beloof om aandag te trek. Die legende “Iron” Mike Tyson gaan probeer bewys hy het nog wat dit vat om met die jongelinge appels te swaai. Aan die ander kant probeer die eksentrieke Jake Paul sy merk los deur een van die bestes aan te vat. Mike Tyson is dalk al 58 jaar oud, maar hy lyk so goed soos hy in sy vroë dae het. Jake Paul is natuurlik ‘n omstrede karakter. Meeste van sy vorige opponente is eerder baie oud, en word gesien as “oor die muur”, of hulle het n baie swak rekord, en Jake word dus gesien as ‘n “can crusher”.
Maak seker jy is betyds reg om hierdie groot geveg te kyk!

2. UFC 309 – Stipe Miocic vs Jon Jones vir die Swaargewig Titel

Datum: 17 November
Tyd (SA): 05:00
Plek: Madison Square Garden
Kyk op: DSTV Kanaal 210
UFC 309 bied ‘n epiese geveg vir die swaargewig titel. Jon Jones, die huidige kampioen, gaan sy titel verdedig teen die voormalige kampioen, Stipe Miocic. Jon “Bones” Jones word gesien as die gevaarlikste man op aarde, en is die Sakabulla van sy gewigklas. Ongelukkig skrik die brandweerman (Stipe Miocic) nie vir sulke dinge nie. Stipe homself was op n stadium gesien as die gevaarlikste man op aarde. Hierdie naweek vind ons finaal uit wie is die een om met die goud huis toe te gaan.